أول ماصبحت الصبح و وذكرت الله
بديت اطلع كتب الطبخ كالعادة ودي اسوي كل شي أحب وودي أجرب كل شي يديد
اليوم راح أسوي شي قديم ويمكن وايد ناس مجربينه حده سهل
مانحتاج الا :
علبة نوتيلا حجم وسط
٥ قيمر نستله
٢ علبة كيك سارالي (فانيليا-كاكاو)
نخلط النوتيلا مع القيمر عدل
ونقصص الكيك مربعات
ونصب الخلطه على الكيك يم يم حدة لذيذ
بالعافية
-------------------------------------------------------------
اكيد كلكم اتعرفون جيز كيك لورنزو اللي على كاكاو بحطلكم مقاديرها بس نصيحه سووها قبل لايخلص الرمضان بسويه حق باجر خو النهار طويل ولازم نشد حيلنا مع المطبخ شوي :)
المقادير :
بسكوت دايجستف – زبده- ارو 8 – قيمر واحد-8 كيري- 3 بيضات – نص كوب سكر- كريمه حمرا
الطريقة:
اتفتتين الدايجستف وذوبين الزبده واتخلطينهم واترصينهم بقالب الجيز كيك ، بعدين بالخلاط 3 بيضات ونص كوب سكر و8 كيري لمه ايخلطون ترفعين الماعون بعدين بحمام مائي 7 آرو مع قيمر لمه ايذوب اتخلطينه مع خلطة البيض اللي بالخلاط بس عاد اتخلطينهم بقفشه وبعدين اتحطينهم بالفرن مدة ساعه لمه اتصك
بعدين بحمام مائي مره ثانية 1 ارو مع 3 قفاش كبار كريمه حمرا اتخلطونهم واتحطونه فوق الطبقه واتزينينه بالفلك وبالعافية و نصيحه جربوها
واهم شي المحافظة على رشاقتكم برمضان