هذا العيد غير بالنسبه لي
اول عيد يمر علي ما اخذ عيادي :)
عطيت امي وابوي هدايا واخواني عيادي
وناسه احس اني كبر وصرت بعمر يديد يختلف عن كل سنه
أحلى شي بالعيد شوفة الأهل والناس اللي مانشوفهم الا بالمناسبات
يحلو هاللمه اللي عسى الله يجمعنا فيها على كل خير
عمتي رقيه ثانكس على سفن العيد عسى الله لا يحرمنا منه ويخليج لنا
أم حمد أحلى فناتق بالحلو عندج خليج دايماً جذي تعجبيني
ليلى بنت خالتي سلمى (الله يرحمها) هالعادة انشالله مانقطعها طوول ما جاي الفحم موجود :))
خالي ناصر أحلى بوخور ودهن عود عندكم مو شي يديد الطيب لأهل الطيب
أم فهد تسلم ايدج عالمجبوس حده مو صج يعطيج الصحه والعافية تفختيني
أم صالح الزين كله بس تكفين الماكنتوش ليش هالسنه شويه :(
والله يعطيج الصحه والعافيه على يمعة ثالث يوم العيد عساها عادة ماتنقطع
هذا اهوا عيدنا مع هالحريم و الكبار اهما الخير كله و وجودهم معانا بركه
عمي فهد وبابا هبان ثااااااااااااااااانكس عالعيديه حدي استانست عليها
الله يديم الأفراح عليكم جميعا وعيد مبارك
ولاتنسون صيام الست وعساكم عالقوه
