طايحة على الرصيف
واشوف السيايير طايرين محد فكر يوقف لها
طبعا وقتها تذكرت كلام ابوي لما قالي يابنيتي لاتوقفين حق احد
حتى لو تكون مره كبيرة تبيج توصلينها جمعية ديري بالج
كملت طريجي بس يا ربي ما اقدر المنظر يعور القلب
طقيت يوتيرن ورديتلها
وقفت
قلتلها ها خالتي سلامات
قالت: ابي ماي
انا: (ركضت سيارتي لاني ما اطلع من مكان الا بجنطتي بطل ماي) تفضلي
شربته كله مره وحدة ماشالله عليها
قالت :يزاج الله خير
انا خالتي وين بيتكم . تبين أوصلج؟
قالت: لا انا ناطره التاكسي ولدي عطاني ٥ دنانير وقالي روحي المباركية بتاكسي
انا:اهوه وينه؟
قالت: بالبيت
(الحين انا برد البيت والتاكسي ماوصل والمرا معاي بالسياره ولا راضيه اوديها بيتهم)شسوييي شسوي !!!
نزلت من السياره ادق على ٧٧٧ والا شسوي
اشوف والا بمرت تاكسي اشرتله ووقف :)
قلتلها خالتي كا التاكسي وصل
قالتلي تدرين انا بيتنا بعيد على ماوصلت اهني شوفي شصار بريلي
اطالع والا كلا دم
قلتلها خالتي مايصير جذي سلامتج من شنو؟!
والله يا الغالية خلاني اطلع من البيت من غير عصاتي وانا ما اعبر أوقف من غير عصا تسحكت ريولي من هالقار
قلتلها : عمى بعينه لو بيدي ذبحته
قالتلي : لاتدعين على احد قولي الله يهديه
قلتها يلا خالتي انا استأذن جان تخمطني وتبوس فيني
اول مره احد يبوسني هالكثر يحليلها
ودعتها وودي اعرف عنها شي الحين
حيل عورت قلبي وحدي حاقدة علي هالولد الي يقط امه جذي
آآآآآآآخ بس لو اشوفه
في ناس لي الحين ما ياخذون بالعبر الي نسمع عنها
مثل ماقالت امك الله يهديك و حنن قلبك عليها
